Абай Байтоғаев

Опера әншісі, Қазақстанның еңбек сіңірген әртісі Абай Байтоғаев 1928 жылы Қостанай облысында туған. Мәскеу қаласындағы Гнесиндер атындағы музыкалық-педагогикалық институтты бітірген. Сол жылдан Қазақ академиялық опера және балет театрының солисі болған. Осы театрда қойылған А.Жұбанов пен Л.Хамидидің «Абай», Е.Рахмадиевтің «Қамар сұлу», М.Төлебаевтың «Біржан-Сара», Ғ.Жұбанованың «Еңлік-Кебек», С.Мұхамеджановтың «Айсұлу», «Жұмбақ қыз», В.Моцарттың «Дон Жуан», Дж.Вердидің «Риголетто» операларына қатысып, басты партияларды орындаған.