Тұлғалар

Қазақтың белгілі әншісі Төлемісұлы Әли Құрманов 1901 жылы Ақтөбе облысы Шалқар ауданы 10-ауыл Шұбарши деген жерде қарапайым отбасында дүниеге келген. Боранбайұлы Сарышолақ (1858-1929 жж) ақынның соңғы шәкірті. Әли Құрмановтың жеке өзінің орындауында Боранбайұлы Сарышолақ шайырдың 20-ға жуық әндері-толғаулары болған. Атап айтатын болсақ «Тілеу-Қабақ», «Тәңірберген Молдабай», «Тәңірдің берген сыйы», «Сәлем айтты бауырың», «Би ағаңдікі ақыл», «Қарақ-ай», «Біле алмадым», «Ұлы құм», «Ат міндім моншақтаған», «Үкіңнен айналайын ырғақтаған», «Көкіл қыз», «Тұлға», «Мамық қыз». Әли Құрмановтың Жәмеңкеұлы Ілиясқа айтқан мына бір сөзін келтіре кетуге болады: “Ілияс бауырым көзің ашық, көкірегің ояу жігітсің әр нәрсені білгің келіп, ізденіс үстінде жүресің, кейін мүмкін бір кәдеге жарар мененде кейін әнші шығар осы өңірден ең болмағанда солар орындар. Осы әндердің бәрін қағаз бетіне түсір”- деп, Әли Құрмановтың өзі ұсыныс жасаған.